Haurren aurkako sexu abusua: funtsezko elementuak eta detekzioa

Prestakuntza honek gako, adingabeei egindako sexu-abusuen inguruko gako, tresna eta ezagutza espezializatuak eskaintzen dizkizu. Detekzio-prozesua eta erabakiak hartzeko prozesua definitzeko orientabidea ematen dizu, esku-hartze profesional sentikorrak errazteko, eta esku hartzeko baliabide eta jarraibide espezifikoak ematen dizkizu.

Haurren sexu-abusua (HSA) errealitate konplexua da adingabeen arrisku-egoerei dagokienez, bai detektatzeko, bai esku hartzeko eta maneiatzeko, zalantza eta beldur asko sortzen baititu. Ikastaro honek aukera ematen dizu egoera mota honi buruzko ezagutza handiagoa izateko eta zure burua kokatzen eta zailtasunak maneiatzen ikasteko.

Landuko dituzun gaiak

• HSAren definizioa eta ondorioak.
• Detekziorako funtsezko elementuak.
• HSAren susmoak baloratzeko tresna.
• Zer egin eta zer saihestu HSA susmo bat dagoenean.
• Ondorioak eta esku hartzeko moduak.
• Kasu praktikoak.

Ikastaro hau interesgarria izango zaizu baldin eta…

Gizarte-hezkuntzako, gizarte-laneko, gizarteratzeko, psikologiako, hezkuntza-sistemako edo osasun-sistemako profesionala bazara.

Metodologia eta baliabideak

Ikastaroa %100 online da eta hiru saio sinkronotan egiten da, Teams plataforman, bakoitza hiru ordukoa.

Ikaskuntza esperientzia honek ikuspegi praktikoa du, parte hartzailea, eta ezagutza elkarrekin eraikitzera bideratuta dago. Gainera, edukiak modu integratzailean lantzen joango zara, zure errealitate profesionalarekin konektatu ahal izan ditzzun.

Ikastaroa amaitutakoan, webgrafia, bibliografia eta gainerako materialak partekatuko ditugu zurekin.

Jarduerak

• Kasu errealen eztabaida eta kontrastea: eguneroko egoeretan aplikatzea.
• Funtsezko oinarri teorikoen azalpena.
• Bideoak, irudiak edo testuak ikustea eta kritikotasunez aztertzea. 

Ikastaroa jarraitzeko hau behar duzu

• Gailu bat: ordenagailua, tableta edo smartphonea.
• Interneterako konexioa, ahal dela kable bidez.
• Microsoft Teamserako sarbidea.
• Kamera eta mikrofonoa aktibatuta.
• Konektatu saioa hasi baino 10 minutu lehenago gutxienez, dena ondo dagoela egiaztatzeko.

Aprobetxamendu ziurtagiria (gutxienez %80ko asistentzia).

Gogorarazten dizugu saioak ez ditugula grabatuko eta zuk grabatzea ere ez dagoela baimenduta.