Haurren sexu-abusuaren eta arrisku digitalen aurrean esku-hartzeko profesionalentzako gakoak

Haurren Sexu Abusua (HSA) errealitate konplexua da, bai arrisku-egoeren detekzioan, bai esku-hartzean.

Formazio honek haur eta nerabeekin lan egiten duten profesionalei tresnak eta gakoak eskaintzen dizkie, sexu-abusu posibleak identifikatu eta behar bezala bideratzeko, baita sexualitatearekin lotutako IKT erabilera desegokiak ulertu eta lantzeko ere.

Landuko dituzun gaiak

• HSAraren definizioa eta ondorioak.
• Detekziorako gako nagusiak.
• Susmoen balorazio-tresna.
• Zer egin eta zer ez egin HSA susmo baten aurrean.
• Ondorioak eta esku-hartze moduak.
• Sexualitatea Interneten.
• Sexualitate digitalaren eragina garapen psikosexualean.
• Kasuen analisia.

Ikastaro hau interesgarria izango zaizu baldin eta…

Gizarte-hezkuntza, gizarte-lana, gizarteratzea, psikologia, hezkuntza sistema, osasun sistema, polizia edo justizia arloetan lanean badiharduzu eta pertsonak laguntzen badituzu.

Metodologia, ebaluazioa eta baliabideak

Ikastaroak 14 orduko iraupena du, hiru saiotan banatuta: bi 5 orduko eta beste bat 4 ordukoa, Bilbon, Madariaga etorbidea 1, 4. solairua.

Ikastaroak ikuspegi praktiko eta parte-hartzailea du, eta ezagutza eraikuntza kolektiboa sustatzen du. Edukiak era integratzailean landuko dituzu, zure errealitate profesionalarekin konektatu ahal izateko.

Ikastaroaren amaieran, webgrafia, bibliografia eta gainerako materialak partekatuko ditugu.

Jarduerak

• Kasu errealen eztabaida eta kontrastea: eguneroko egoeretan aplikatzea.
• Funtsezko oinarri teorikoen azalpena: ezagutza eskuratzea eta sendotzea.
• Bideoak, irudiak edo testuak ikustea eta kritikotasunez aztertzea. 

Ikastaroa jarraitzeko hau behar duzu

• Papera eta boligrafoa.
• Tableta edo ordenagailua, oharrak digitalki hartu nahi badituzu.
• Smartphone bat.

Aprobetxamendu ziurtagiria (gutxienez %80ko asistentzia).