Haurren aurkako sexu abusua. Hezkuntzaren eremuan detektatzeko eta esku hartzeko funtsezko elementuak

Prestakuntza honek adingabeen aurkako sexu abusuak detektatu eta zerbitzu egokietara bideratzeko tresnak, gakoak, adibide praktikoak eta ezagutza espezializatuak eskaintzen dizkizu.

Badakigu, ikastetxearen egunerokoan, abusu kasu bat ote den galdetzeko egoerak edo zantzuak aurki ditzakezula. Prestakuntza gune honek erantzunak ematen dizkizu eta modu seguru eta eraginkorrean jarduteko behar duzun laguntza ematen dizu.

Haurren aurkako sexu abusua (HSA) errealitate konplexua da adingabeen arrisku egoerei dagokienez, bai detekziorako bai esku hartzeko. Are gehiago, 8/2021 Lege Organikoak, haurrak eta nerabeak indarkeriaren aurrean modu integralean babestekoak, adingabeekin ohiko harremana izango duten profesionalak prestatzeko beharra ezartzen du, haurtzaroan indarkeria hautemateko, eta hor sartzen haurren aurkako sexu abusua ere.

Landuko dituzun gaiak

• Haurrenganako sexu abusuaren definizioa eta ondorioak
• HSAren detekzio goiztiarra: funtsezko elementuak
• Susmoak ebaluatzen: HSA baloratzeko tresna
• Segurtasunez jokatzen: zer egin eta zer saihestu HSA susmo bat dagoenean
• Inpaktuak eta erantzunak: esku hartze eraginkorrak HSA kasuetan
• HSA prebenitzeko programak inplementatzeko gakoak
• Ikaskuntza aplikatua: kasu praktikoen analisia

Ikastaro hau interesgarria izango zaizu baldin eta…

Hezkuntzaren arloko profesional talde bateko kide bazara.

Metodologia, ebaluazioa eta baliabideak

Ikastaroa %100 online da eta hiru saio sinkronotan egiten da, Teams plataforman, bakoitza hiru ordukoa.

Ikaskuntza esperientzia honek ikuspegi praktikoa du, parte hartzailea, eta ezagutza elkarrekin eraikitzera bideratuta dago. Gainera, edukiak modu integratzailean lantzen joango zara, zure errealitate profesionalarekin konektatu ahal izan ditzazun.

Ikastaroa amaitutakoan, webgrafia , bibliografia eta gainerako materialak partekatuko ditugu zurekin.

Jarduerak

• Kasu errealen eztabaida eta kontrastea: eguneroko egoeretan aplikatzea.
• Funtsezko oinarri teorikoen azalpena.
• Bideoak, irudiak edo testuak ikustea eta kritikoki aztertzea.

Ikastaroa jarraitzeko hau behar duzu

• Gailu bat: ordenagailua, tableta, smartphonea….
• Interneterako konexioa, ahal dela kable bidez.
• Microsoft Teamserako sarbidea.
• Kamera eta mikrofonoa aktibatuta.
• Konektatu saioa hasi baino 10 minutu lehenago gutxienez, dena ondo dagoela egiaztatzeko.

Aprobetxamendu ziurtagiria (gutxienez %80ko asistentzia).

Gogorarazten dizugu saioak ez ditugula grabatuko eta zuk grabatzea ere ez dagoela baimenduta.